Лиценца

Елнор поседува издадена лиценца за вршење на дејноста Снабдување со електрична енергиа. Носител на лиценца-Eлнор Д.О.О Скопје
1.Лиценца за вршење на енергетска дејност  Снабдување со електрична енергија.
2.Број на издадената лиценца: EE-199.11.1/14
3.EIC INDETIFICATION CODE: 33XELNORSUPLY-9
4.Број на деловен субјект:-6.958.427
5.Ова лиценца за енергетска дејност Снабдување со електрична енергија,важи за целата територија на Република Македонија и во странство.

ПОТСЕТНИК ЗА ПОТРОШУВАЧИТЕ НА ЕЛНОР ДООЕЛ - Скопјe

ЦЕЛ
Актуелните и потенцијалните клиенти на ЕЛНОР ДООЕЛ - Скопје, да имаат точни, детални и прецизни информации во врска со условите за снабдување со електрична енергија и можностите и поволностите кои ги има секој учесник на слободниот пазар на електрична енергија на Република Македонија.

ОПФАТ
Практични информации за: можностите, правата и должностите на потрошувачите, како и функцијата и должностите на снабдувачот. Начинот на кој се презентирани овие информации е јасен и корисен за сите потрошувачи на слободниот пазар на електрична енергија. Овој подсетник е составен во склад со ЗАКОНОТ ЗА ЕНЕРГЕТИКА, ПРАВИЛАТА ЗА СНАБДУВАЊЕ СО ЕЛЕКТРИЧНА ЕНЕРГИЈА и искуствата кои ЕЛНОР ДООЕЛ - Скопје ги има стекнато од самиот старт на либерализацијата на македонскиот пазар на електрична енергија.

СОДРЖИНА:
 

1. Основни елементи на Договорот за снабдување
2. Склучување на договор за снабдување
3. Информации за цените и надоместоците кои ги плаќа потрошувачот
4. Достапност до податоците на потрошената и фактурирана електрична енергија
5. Доставување на фактурата и начин на пријавување во случај на непримање на фактурата
6. Условите под кои може да се ограничи или прекине снабдувањето
7. Поволностите во поглед на цените што му се достапни на потрошувачот и начинот на нивното остварување
8. Содржина, постапка и остварување на информации до потрошувачите
9. Начин и постапка за решавање и постапување по приговори и представки од потрошувачите
10. Комуникација на ЕЛНОР ДООЕЛ - Скопје со потрошувачите

1. Основни елементи на договорот за снабдување на ЕЛНОР ДООЕЛ - Скопје:
   Секој договор за снабдување кој Потрошувачот го склучува со ЕЛНОР ДООЕЛ - задолжително ги содржи следните одредби:
   • Податоци за договорните страни (точен назив, седиште, матичен број, даночен број, овластено лице за потпишување на Договорот);
   • Предмет на договор:Снабдување со електрична енергија
   • Опис на услугите кои ЕЛНОР ДООЕЛ - Скопје му ги обезбедува на потрошувачот;
   • Количина и динамика на испораката на електрична енергија;
   • Дефинирање на пресметковниот период;
   • Список на мерни места на Потрошувачот кои се предмет на Договорот за снабдување;
   • Одредба со која ЕЛНОР ДООЕЛ - Скопје ја превзема обврската за балансирање на потрошувачката на потрошувачот;
   • Цена на испорачаната електрична енергија во MWh/ KWh;
   • Времетраење на договорот за снабдување и прецизно дефиниран период на испорака;
   • Начин и услови за раскинување и обновување на Договорот за снабдување;
   • Начин и рок за постапување со приговорите кои ЕЛНОР ДООЕЛ - Скопје ги примил од потрошувачите;
   • Флексибилност во испораката на договорените количини (+/-);
   • Услови за плаќање и начин на фактурирање;
   • Одговорности на снабдувачот/ Одговорности на Потрошувачот;
   • Банкарска гаранција за навремено и квалитетно извршување на договорот (доколку се предвидува) и услови за активирање на гаранцијата за понудата, како и гаранцијата за навремено и квалитетно извршување;
   • Надоместок на трошоци поради неисполнување на обврските од договорот;
   • Виша сила;
   • Договорни казни кои произлегуваат од евентуално неисполнување на Договорот (пр.казнена камата за задоцнето плаќање, ненајавена промена на режим на работа);
   • Начин на разрешување на споровите;
   • Престанување и раскинување на договорот;
   • Начин и постапка за надоместување на штетите на потрошувачите;
   • ВПрилог бр.1 кон Договорот за снабдување кој ги содржи сите мерни места на Потрошувачот кои се предмет на снабдување и Прилог бр.2 кој ги содржи лицата кои Договорните страни ги овластуваат за комуникација;
   • Доколку Потрошувачот и Снабдувачот имаат посебни барања во врска со снабдувањето заради специфичноста на потрошувачката на Потрошувачот, истите ќе бидат предмет на преговарање и доколку се усогласени, ќе бидат вметнати како одредби од Договорот.
2. Склучување на договор за снабдување
   ЕЛНОР ДООЕЛ - Скопје советува потрошувачот кој одлучил да го промени својот снабдувач да побара од снабдувачите да му достават понуди за снабдување, внимавајќи тие да се однеесуваат за ист период на снабдување и да имаат еднаков перод на важност.

Со приемот на уредно потпишана и заверена со официјален печат понуда на понудениот (Потрошувачот) до ЕЛНОР ДООЕЛ – Скопје како понудувач (Снабдувач), договорот за снабдување помеѓу ЕЛНОР ДООЕЛ – Скопје како Снабдувач и понудениот како Потрошувач се смета за склучен.

 ЕЛНОР ДООЕЛ - Скопје може да им понуди на потенцијалните клиенти стручна, бесплатна помош при евалвација на добиените понуди и совет за избор на најповолната и најквалитетната понуда.

ЕЛНОР ДООЕЛ - Скопје на потрошувачите им дава информација и препорака за најоптималниот период за времетраење на договорот (најчесто 12 месеци). Нагласуваме дека, имајќи го предвид начинот на кој предвремено се закупува електричната енергија за нашите клиенти, од особена важност е потрошувачите да го почитуваат дефинираниотпериод на снабдување.

Истовремено, ЕЛНОР ДООЕЛ - Скопје во целост го почитува договорениот период на снабдување. На потрошувачите им даваме информација дека во случај на предвремено раскинување од страна на потрошувачот или снабдувачот во договорот ќе дефинираме евентуални надоместоци заради предвремен раскин на договорот. Надоместоците ги определуваме за секој клиент посебно, во зависност од неговиот тип, обем на потрошувачка и слично.

За секој потрошувач од особена важност е квалитетот на услугата во снабдувањето со електрична енергија да биде на високо ниво. За таа цел потрошувачите ги информираме дека имаат право да реагираат во случај на евентуална примедба или незадоволство. Имено, тие имаат право да поднесат приговор во однос на доставната фактура, во случај на намалена испорака или прекин на испорака, при неисполнување на некоја од договорените обврски или неисполнување на договорениот квалитет на услуга и снабдување. По приемот на приговорот, ЕЛНОР ДООЕЛ - Скопје веднаш пристапува кон ефикасно и стручно решавање на приговорот и во најкраток можен рок на потрошувачот му доставува одговор. Важно ни е нашите потрошувачи да знаат дека ние како снабдувачи сме во постојана комуникација со соодветните оператори и заеднички работиме кон обезбедување на квалитетот и континуитетот на испораката на електрична енергија. Усогласеното и координирано работење помеѓу нас и операторите резултират со висок квалитет на испорачаната услуга. На потрошувачот кој се одлучил да склучи договор со ЕЛНОР ДООЕЛ - Скопје му се доставува:
 

• Модел на договор за снабдување кој задолжително ги содржи сите елементи наведени во точка 1 од овој Потсетник (“Основни елементи на договорот за снабдување на ЕЛНОР ДООЕЛ - Скопје”)
• Изјава за прифаќање на условите кои се детално објаснети во понудата; и
• Полномошно за Снабдувачот кое ќе се користи за превземање на мерните места кои се предмет на Договорот за снабдување.

ЕЛНОР ДООЕЛ - Скопје во функција на активен снабдувач со електричната енергија го води Потрошувачот кој одлучил да го промени својот снабдувач низ целиот процес кој завршува со склучување на договор за снабдување и влез на мерните места на Потрошувачот во балансната група на ЕЛНОР ДООЕЛ - Скопје.

Постапката за промена на снабдувач ја спроведуваме на транспарентен начин во рок кој не е подолг од 20 работни дена од денот кога потрошувачот ни го доставил барањето за промена на снабдувач, ЕЛНОР ДООЕЛ - Скопје на Потрошувачот му испраќа допис во кој го известува дека промената е направена и го прецизира датумот на кој престанува снабдувањето од предходниот снабдувач, а почнува снабдувањето од ЕЛНОР ДООЕЛ - Скопје .

3. Информации за цените на електричната енергија и надоместоците кои ги плаќа потрошувачот
   ЕЛНОР ДООЕЛ - Скопје пред почетокот на договорот за снабдување го известува секој потрошувач за начинот на кој е формирана понудената/договорената цена за електрична енергија, врз основа на утврдениот профил на потрошувачка. Истовремено, потрошувачот добива информација и за трошоците кои ги плаќа како учесник на слободниот пазар на електрична енергија. Имено, покрај испорачаната активна електрична енергија, потрошувачите се должни да плаќаат надоместок за користење на пренос и тоа:
   • Потрошувачите кои се приклучени на преносна мрежа ги информираме дека плаќаат надоместок за користење на електропреносниот систем на операторот на електропреносниот систем; а
   • Потрошувачите кои се приклучени на дистрибутивната мрежа ги информираме дека плаќаат надоместок за користење на дистрибутивниот систем во кој е вклучен и надоместокот за пренос на електрична енергија.
   • Трошоците кои се составен дел на фактурата на ЕЛНОР ДООЕЛ - Скопје :
     • Таксата за учество на пазарот на електрична енергија чијашто висина ја определува Регулаторната комисија за енергетика;

ЕЛНОР ДООЕЛ - Скопје , на редовна основа ги информира своите потрошувачи за промените на цените на пренос на електрична енергија.

4. Достапност до податоците за потрошената и фактурирана електрична енергија
   ЕЛНОР ДООЕЛ - Скопје во прилог на секоја месечна фактура кон потрошувачот по негово барање доставува јасен и детален приказ на потрошената месечна количина на електрична енергија. Приказот содржи информации за конзумот на секое место на потрошувачка во активна висока и активна ниска тарифа.
   По потреба и врз основа на предходен договор, ЕЛНОР ДООЕЛ - Скопје на потрошувачот може да му достави дневни потрошени количини за предходните денови. Во случај ЕЛНОР ДООЕЛ - Скопје да забележи промена во режимот и начинот на потрошувачка на Потрошувачот, испраќа известување до клиентот.
5. Доставување на фактурата и начинот на пријавување во случај на непримање на фактурата
   ЕЛНОР ДООЕЛ - Скопје на своите потрошувачи им ја доставува фактурата електронски и/или во хартиена форма најдоцна на осумнаестиот ден од месецот за предходниот месец. Фактурата е лесно разбирлива за секој потрошувач и ги содржи сите потребни податоци (податоци за снбдувачот, податоци за потрошувачот, податоци за пресметковните места, референтен број на фактурата, детални податоци за потрошените количини...).
   Во случај потрошувачот да не ја добие фактурата до 20-от ден по истекот на пресметковниот период, тој треба да го извести ЕЛНОР ДООЕЛ - Скопје и да побара да му издаде препис од предметната фактура во рок од два работни дена од доставеното барање. На барање на потрошувачот, ЕЛНОР ДООЕЛ - Скопје подготвува детална фактура.
6. Условите под кои може да се ограничи или прекине снабдувањето
   ЕЛНОР ДООЕЛ - Скопје ги известува сите потошувачи за условите под кои може да им се ограничи или прекине испораката.
   Во случај Потрошувачот да не ги исполнува обврските кои се дефинирани во договорот за снабдување, ЕЛНОР ДООЕЛ - Скопје му испраќа опомена за ограничување или прекинување на испораката. Во опомената за неплатен долг ЕЛНОР ДООЕЛ - Скопје задолжително го наведува износот на неплатениот долг и рокот до кој треба да се плати долгот. Во понатамошниот развој на настаните, во однос на неплаќање на заостанатиот долг, ЕЛНОР ДООЕЛ - Скопје постапува во согласност со член 59 и член 60 од Правилата за снабдување со електрична енергија.
   Исто така, пред истекот на Договорот за снабдување, ЕЛНОР ДООЕЛ - Скопје го известува Потрошувачот за датумот на кој истекува актуелниот договор и датумот на кој ќе биде прекината испораката од негова страна.
   Универзалниот снабдувач или Снабдувачот во краен случај, упатувајќи го каде може да се консултира за нивните услови за снабдување.
   
   Постапката за раскинување на Договорот за снабдување од страна на потрошувачот или снабдувачот се иницира со писмено известување во кое се искажува намерата и причината за раскин на договорот, а надоместоците и обврските на договорните страни кои произлегуваат од раскинот се дефинирани во самиот договор.
7. Поволностите во поглед на цените што му се достапни на потрошувачот и начинот на нивното остварување
   ЕЛНОР ДООЕЛ - Скопје на секој Потрошувач му изготвува анализа на конзумот и му дава препорака за користење на поповолниот тарифен модел. Дополнително, кај одредени клиенти ЕЛНОР ДООЕЛ - Скопје сугерира одреден поповолен и поисплатлив режим на работа, доколку тоа е применливо за дејноста која ја врши.
8. Содржина, постапка и доставување на информации до потрошувачите
   ЕЛНОР ДООЕЛ - Скопје директно, преку својата веб-страница или преку јавните гласила редовно до своите потрошувачи доставува информации за:
   • Бонуси, попусти и другите поволности како и начинот и условите за стекнување и престанување на правото на нивно користење;
   • Унапредувањата кои ги спроведува во насока на зголемување на квалитетот на услугите што ги обезбедува;
   • Достапни мерки за подобрување на енергетската ефикасност и ефектите од таквите мерки;
   • Препораки за заштеда на електрична енергија;
   • Промотивни известувања за влијанијата врз животната средина од користењето на електрична енергија произведена од обновливи извори.
9. Начин и постапка за решавање и постапување по приговори и представки од потрошувачите
   Потрошувачот може по официјален пат да поднесе приговор до ЕЛНОР ДООЕЛ - Скопје во случај на:
   • Забелешки во однос на податоците содржани во фактурата (во рок од 8 дена од приемот)
   • Во случај на престанок или намалување на испораката
   • Неисполнување или кршење на договорените обврски
   • Несоодветен квалитет на услугите.

ЕЛНОР ДООЕЛ - Скопје веднаш по добивањето на приговорот од потрошувачот се ангажира да го реши поднесениот приговор на брз, јасен и транспарентен начин, во согласност со одредбите од член 40 и 43 од Правилата за снабдување со електрична енергија.

ЕЛНОР ДООЕЛ - Скопје води евиденција на поднесените приговори од потрошувачите кои детално ги анализира со цел да го подобри квалитетот на комерцијалните услуги.

10. Комуникација на ЕЛНОР ДООЕЛ - Скопје со потрошувачите
    ЕЛНОР ДООЕЛ - Скопје на своите потрошувачи им обезбедува стручна и техничка поддршка и совети во врска со сите прашања кои се однесуваат на снабдувањето со електрична енергија.

Бизнис вредностите на Елнор

Елнор во нивното работење се придржува кон следниве принципи:
a).Законитост
б).Стручност
в).Професионалност
г)Транспарентност
Одговорните за функсионалноста на Елнор ( вработените),работат во корист на граѓаните на Република Македонија,со цел да ги популаризираат примените на најновите европски и светски технологии за енергетска ефикасност и да се потикнува на свеста за ефикасно користење на електрична енергијата. Затоа, е важно да се свати дека енергетска ефикасност не значи заштеда,туку рационално користење на електрична енергија за постигнување на исто или повисоко ниво на удобност во индустријата и во секојдневниот живот,со пониски сметки за трошење на електрична енергија.

Водич за бизнисот со Елктрична Енергија

Ако во некој бизнис имате финансиска одговорност,ќе знаете подобро од секого колку е важно да ги намалувате севкупните трошоци на вашата компанија.
Иако постојат голем број на различни начини за намалување на трошоците на вашиот бизнис со електрична енергија , обезбедете се да трошите што е можно помалку електрична енергиа затоа што тоа е многу добар начин за штедење пари на ден за-ден основа.Се разбира,постојат голем број на начини како можете да се заштедите пари на вашиот бизнис од електрична енергиа: 1.Користење економични светилки (светилки што штедат електрична енергија) 2.Внимание дека светлите се исклучени во текот на ноќта 3.При правење туш,да се вари водата толку колку што е потребна за еден туш , Сите овие се големи идеи,но еден од најдобрите начини за намалување на вашите сметки за електрична енергиа во вашиот бизнис, е постапката за изменување на енергетски снабдувач. Во зависност од големината на вашата компаниа ,на долг рок тоа може да биде многу вредно – промена на снабдувачот може да направи голема разлика во однос на месечни примања и излети на вашиот бизнис.